Украінскія памежнікі знішчылі артылерыю РФ на Паўднёвым накірунку

• 8.07.2026, 17:42

Паражаныя тэхніка і асабовы склад акупантаў.

Дзяржаўная памежная служба Украіны паведаміла пра нанясенне дакладных удараў па расійскіх пазіцыях на Паўднёвым накірунку.

Падчас паветранай разведкі памежнікі выявілі і паразілі гармату Д-30, тэхнічнае абсталяванне праціўніка, а таксама пазіцыі акупантаў разам з асабовым складам.

У выніку дакладных удараў былі знішчаныя артылерыйская сістэма, абсталяванне і жывая сіла ворага.

Кадрамі баявых дзеянняў падзяліліся украінскія памежнікі ў сацыяльных сетках.