Беларусь рэзка знізіла экспартныя пошліны на звадкаваны газ
- 8.07.2026, 19:49
Тарыфы ўпалі амаль у два разы.
У Беларусі знізілі экспартныя пошліны на звадкаваныя вуглевадародныя газы. Пастанову падпісаў прэм’ер-міністр Аляксандр Турчын.
Пошліны на звадкаваныя вуглевадародныя газы знізіліся з $130,2 да $69,5 за 1 т.
На этан, бутан і ізабутан – з $117,1 да $62,5 за 1 т.
Пастанова ўступае ў сілу пасля яе афіцыйнага апублікавання. Новыя тарыфы распаўсюджваюцца на праваадносіны, якія ўзніклі з 1 ліпеня 2026 года.
Гэта першае зніжэнне экспартных пошлін на звадкаваныя вуглевадароды пасля рэзкага павышэння ў маі 2026-га. Тады тарыфы ўзляцелі больш чым у 25 разоў.