Прэм’ер Бельгіі назваў выдзяленне €70 млрд Украіне «чырвонай карткай» для Пуціна

• 8.07.2026, 19:59

Паводле яго слоў, чырвоную картку нельга проста так адклікаць.

Выдзяленне €70 млрд у якасці ваеннай дапамогі Украіне стала «сур’ёзнай чырвонай карткай» для прэзідэнта Расіі Уладзіміра Пуціна. Пра гэта заявіў прэм’ер-міністр Бельгіі Барт дэ Вевер, перадае The Guardian.

«Гэта вельмі сур’ёзная чырвоная картка для Пуціна. Чырвоную картку нельга проста так адклікаць. Вы ж гэта ведаеце», — сказаў кіраўнік бельгійскага ўрада.

8 ліпеня лідары краін НАТА ў выніковай дэкларацыі саміту ў Анкары заявілі, што дамовіліся прадаставіць Украіне ўзбраенне і ваенную дапамогу на суму €70 млрд у 2026 годзе. Аналагічны ўзровень падтрымкі плануецца выдзеліць у 2027 годзе.