Жлобін часткова застаўся без вады

• 9.07.2026, 9:11

У горадзе аварыя.

Аварыйнае адключэнне водазабеспячэння адбылося ў некалькіх раёнах Жлобіна.

Як паведамляе БелТА, у Жлобіне на вадазаборы «Лебедзеўка» адбылася тэхнічная паломка сістэмы падачы вады. У горадзе часткова няма вады.

У дзвюх кропках горада арганізаваны падвоз пітной вады — гэта крама па вул. Шасейнай, 109, і гандлёвы цэнтр у мікрараёне 16.

У горадзе створана камісія па надзвычайных сітуацыях. Камісія каардынуе работу па аднаўленні падачы вады, а таксама кантралюе сітуацыю з забеспячэннем насельніцтва і прадпрыемстваў вадой.

«Сацыяльныя аб’екты кругласутачнага знаходжання забяспечаны вадой. Падвоз арганізаваны бесперабойна», — паведаміў намеснік старшыні райвыканкама Сяргей Андрусеў.