Пустыя дамы ў гэтай вобласці нарасхват у беларусаў

• 9.07.2026, 10:13

І гэта не Міншчына.

Нацыянальнае кадастравае агенцтва падзялілася статыстыкай па колькасці прададзеных пустых дамоў за ІІ квартал 2026 года.

Усяго з красавіка па чэрвень у Беларусі здзейснена 357 здзелак з такой нерухомасцю (217 без таргоў, 140 праз аўкцыён), заўважыла «Точка».

Па 193 з іх (амаль у кожным другім выпадку) кошт дома склаў усяго 1 базавую велічыню.

Найбольш выніковым месяцам стаў чэрвень: праведзена 147 здзелак.

Лічбы па абласцях

Рэгіёнам-лідарам, дзе за гэтыя тры месяцы прададзена больш за ўсё пустых дамоў, аказалася Гродзеншчына. Там за ІІ квартал набылі 96 аб'ектаў такой нерухомасці.

Далей ідзе Мінская вобласць, дзе здзейснена 64 здзелкі па пустых дамах. На Брэстчыне — на адну менш.

У Віцебскай вобласці новых уладальнікаў набылі 57 пустых дамоў, у Магілёўскай — 56, у Гомельскай — 21.

— Інтарэс да набыцця загараднай нерухомасці за сімвалічную аплату застаецца высокім, — звярнулі ўвагу ў Нацыянальным кадастравым агенцтве.

Там адзначылі, што пустыя дамы па-ранейшаму прыцягваюць тых, хто шукае бюджэтны варыянт для летняй дачы або проста ўчастак у ціхай сельскай мясцовасці.

Адзіны рэестр пустых дамоў перыядычна прадастаўляе новыя магчымасці.