«Су-35 трапіў у засаду»

• 9.07.2026, 13:32

Эксперт распавёў, як ЗСУ маглі збіць расійскі знішчальнік.

Расійскі знішчальнік Су-35 трапіў у засаду і быў збіты. Пра гэта заявіў у эфіры Radio NV Аляксей Гетман, ветэран расійска-украінскай вайны, маёр у адстаўцы.

Пры гэтым ён не выключыў, што для збіцця гэтага знішчальніка быў задзейнічаны зенітны ракетны комплекс Patriot.

«Гэта не першы раз, такое ўжо было. Мы збівалі самалёты далёкай радыёлакацыйнай разведкі А-50 менавіта такімі ЗРК з засады», — адзначыў Гетман.

Паводле яго слоў, далёкасць паражэння мэты ў Patriot перавышае 100 км, а ў іншых ЗРК яна меншая, таму іх давялося б падцягваць бліжэй да месца пралёту гэтых самалётаў.

Ён распавёў, што засаду арганізуюць так, што ЗРК і яго пускавая ўстаноўка могуць быць замаскаваныя і выключаныя, а значыць, не выпраменьваюць электрамагнітныя хвалі, то бок вылічыць іх надзвычай складана.

«А калі ён уключаецца, то адразу вызначаецца яго месцазнаходжанне, але гэта можа быць ужо занадта позна. Бо для таго, каб «захапіць» самалёт, суправаджаць яго і падаць каманду на запуск ракеты, патрэбныя секунды. Комплекс уключаецца прыкладна за 10 секунд. І калі па самалёце запускаецца яшчэ і некалькі ракет, то ўхіліцца, фактычна, немагчыма», — сказаў Гетман.

Пры гэтым ён падкрэсліў, што Су-35 — гэта «сур'ёзны самалёт» і добрая мэта.

«Судзячы з таго, што нам вядома пра перадачу нам пэўнага ўзбраення, у прыватнасці ракет «паветра-паветра», якія маюць далёкасць палёту да мэты да 200 км, то неўзабаве мы зможам убачыць яшчэ збітыя расійскія самалёты», — сказаў Гетман.