Стала вядома, калі ў Беларусь вернецца цяпло

• 9.07.2026, 13:36

Чакаць засталося нядоўга.

Начальніца службы метэаралагічных прагнозаў Белгідрамета Марына Грыцкевіч папярэдзіла пра вяртанне спякотнага надвор'я ў Беларусь. Падрабязнасці паведамляе БелТА.

Як адзначыла спецыялістка, з пачатку новага тыдня, з 13 ліпеня, у рэспубліцы прагназуецца пацяпленне. У начныя гадзіны тэмпература паветра будзе вагацца ад +13 да +19 градусаў. А ўдзень паветра прагрэецца ад +20 да +29 градусаў.

Тым часам сіноптыкі расказалі, што будзе з надвор'ем у Беларусі з-за цыклону «Бернадэт», які прынясе дажджы і парывісты вецер.

9 ліпеня на большай частцы тэрыторыі краіны чакаюцца кароткачасовыя дажджы, удзень месцамі магчымыя навальніцы. Вецер будзе паўднёва-заходні, з парывамі. Тэмпература ноччу складзе ад +9 да +14 градусаў, удзень — ад +15 да +21 градусаў.

10—11 ліпеня цыклон перамесціцца непасрэдна на тэрыторыю Беларусі, таму ўмовы надвор'я пагоршацца. У пятніцу дажджы пройдуць амаль па ўсёй краіне, а на захадзе Беларусі яны могуць быць моцнымі. У асобных раёнах прагназуюцца навальніцы і моцныя парывы ветру.

Уначы 10 ліпеня тэмпература будзе каля +7…+13 градусаў, удзень — +17…+23 градусаў, пры гэтым на захадзе краіны будзе халадней — каля +15…+16 градусаў.