Зяленскі: У Пуціна няма перавагі на фронце

• 9.07.2026, 21:05

У Украіны з'явілася «акно магчымасцяў».

Украіна стала мацней і на полі бою, і ў паветры, у той час як Расія не мае перавагі на фронце — гэта прызнаюць усе партнёры.

Пра гэта прэзідэнт Украіны Уладзімір Зяленскі сказаў падчас зносін з журналістамі ў чацвер, 9 ліпеня, паведамляе New Voice.

«Нашы каманды разумеюць, што цяпер у нас сапраўды ёсць акно магчымасцяў. Украіна стала мацней і на полі бою, і ў паветры. І ўсе бачаць адпаведныя вынікі. Безумоўна, перадусім дзякуючы нашым вайскоўцам — я ім вельмі ўдзячны», — сказаў Зяленскі.

Прэзідэнт Украіны дадаў, што вайскоўцы даюць яму магчымасць умацоўваць свае пазіцыі — таму ён і кажа пра акно магчымасцяў. Паводле яго слоў, Пуцін — ведае ён пра гэта ці не — дакладна атрымлівае адпаведную інфармацыю і разумее, што цяпер у яго няма перавагі.