The Atlantic: Супраць Крэмля паспяхова дзейнічае высокапастаўлены амерыканец

• 10.08.2026, 8:09

Дзякуючы яму ЗША перадаюць Украіне даныя для ўдараў па энергетыцы РФ і не толькі.

Злучаныя Штаты Амерыкі працягваюць бясплатна дапамагаць Украіне. У прыватнасці, ідзе пра перадачу разведвальных даных для ўдараў па энергетыцы РФ і не толькі.

Пра гэта паведамляе The Atlantic.

«Адзінае, што ЗША і надалей прадастаўляюць бясплатна — гэта разведвальная інфармацыя, уключаючы пакеты даных для нанясення удараў па пазіцыях арміі РФ на акупаванай частцы Украіны і па энергетычнай інфраструктуры ўнутры Расіі», — піша выданне.

Паводле амерыканскіх і ўкраінскіх крыніц, заслуга ў тым, што дапамога працягваецца, належыць дырэктару ЦРУ Джону Рэткліфу.

Як сцвярджаецца, падчас знаходжання на гольф-полі ён уражвае прэзідэнта ЗША Дональда Трампа данымі пра страты Расіі на полі бою, якія цяпер перавышаюць 40 000 у месяц.

Поспех Рэткліфа, як патлумачыў адзін заходні супрацоўнік разведкі, заключаецца ў тым, што «Трамп не любіць тых, хто прайграе». У прыватнасці, на дадзены момант Украіна выглядае пераможцай і абвяргае меркаванне тых, хто настойвае на няздольнасці Кіева перамагчы.

Акрамя таго, The Atlantic адзначыла ўдары Украіны па энергетычнай эканоміцы РФ і карысць для ЗША. У прыватнасці, скарачэнне экспарту нафты з РФ можа зрабіць Індыю і Кітай больш уразлівымі да ўведзеных Трампам мытаў.

Выданне ўказвае, што Трамп падчас першага прэзідэнцкага тэрміну «ўпрошваў еўрапейцаў спыніць залежнасць ад расійскай нафты і газу, дайшоўшы да таго, што ўвёў санкцыі супраць газаправода «Паўночны паток»».

The Atlantic дапускае, што Трамп можа разглядаць гэтыя ўдары Украіны як прэлюдыю да перамоваў, як ён гэта рабіў у Іране.

«Гэта эскалацыя, але гэта таксама эскалацыя, якая можа дапамагчы пакласці канец», — казаў прэзідэнт ЗША пра ўдары Украіны на саміце НАТА ў Анкары ў мінулым месяцы.