У Беларусі затрымалі расійскага бізнесмена

• 10.08.2026, 8:17

Яго абвінавацілі ў пастаўках нізкаякаснай тушанкі на «СВА».

У Беларусі затрымалі абвешчанага ў вышук расійскага бізнесмена Дзмітрыя Мізгіра, паведамілі «Известия» са спасылкай на крыніцы.

Паводле звестак выдання, Мізгір знаходзіўся ў федэральным вышуку каля трох месяцаў. Супраць яго ўзбудзілі крымінальную справу аб пастаўках нізкаякасных мясных кансерваў для патрэб Мінабароны РФ.

Супрацоўнікі КДБ адсачылі Мізгіра па тэлефонных перамовах і запісах вулічных відэакамер, пішуць «Известия».

Як раней пісаў «КоммерсантЪ» са спасылкай на крыніцу, крымінальную справу ўзбудзілі ў маі 2026 года. Паводле версіі следства, у студзені 2024 года гендырэктар МПК «Селятино» стварыў і ўзначаліў арганізаваную групу для крадзяжу бюджэтных сродкаў шляхам выкарыстання танных інгрэдыентаў, якія «не прадугледжаныя стандартамі, тэхнічнымі рэгламентамі і санітарна-эпідэміялагічнымі патрабаваннямі». Усяго ў войскі пайшло каля 170 тон кансерваў на 700 млн рублёў (857,1 тысячы долараў па курсе на 10 жніўня 2026 года), якія змяшчалі, напрыклад, кавалкі скур замест мяса.