Масква і рэгіёны РФ трапілі пад масіраваную атаку ўкраінскіх БПЛА

• 10.08.2026, 9:13

Інфармацыя пра наступствы атакі ўдакладняецца.

Уначы на панядзелак, 10 жніўня, расійскія рэгіёны зноў апынуліся пад масіраванай атакай украінскіх БПЛА.

Рэгіянальныя ўлады РФ паведамілі пра налёт беспілотнікаў адразу па некалькіх напрамках, піша Dialog.UA.

Паводле слоў губернатара Растоўскай вобласці Юрыя Слюсара, над рэгіёнам нібыта былі збітыя больш за 70 дронаў.

Мэр Масквы Сяргей Сабянін, у сваю чаргу, заявіў яшчэ пра 13 беспілотнікаў, знішчаных на падлёце да сталіцы. У Калужскай вобласці ўлады паведамілі пра 16 збітых БПЛА.

У акупаваным Севастопалі заявілі пра знішчэнне яшчэ 15 беспілотнікаў. Паводле сцверджання мясцовых уладаў, абломкі аднаго з апаратаў выклікалі пажар у раёне пляжу «Інжыр». З размешчанага там кемпінгу пачалася эвакуацыя людзей.

Расійскія афіцыйныя крыніцы традыцыйна не раскрываюць звесткі пра магчымыя прылёты або наступствы працы РЭБ ці СПА.