Польшча ўводзіць SMS-апавяшчэнні з-за атак Расіі па Украіне

• 10.08.2026, 15:52

Грамадзянаў будуць інфармаваць пра працу баявой авіяцыі.

Грамадзяне Польшчы будуць атрымліваць SMS пра ўзлёт баявых самалётаў краіны. Гэта будзе адбывацца падчас атак Расіі па Украіне.

Пра гэта паведамляе RMF24 са спасылкай на заяву намесніцы міністра абароны Польшчы Магдалены Собковяк-Чарнецкай.

30 ліпеня падчас масіраванага расійскага ўдару па захаду Украіны крылатая ракета ўвайшла у паветраную прастору Польшчы. Вайсковая сістэма адрэагавала належным чынам, кажа чыноўніца.

Аднак сістэма грамадзянскага апавяшчэння падчас інцыдэнту не спрацавала. Таму цяпер вядзецца праца па яе ўдасканаленні.

Сёння, паводле слоў Собковяк-Чарнецкай, Урадовы цэнтр бяспекі і Міністэрства ўнутраных спраў робяць высновы з гэтага досведу.

Генеральны штаб Узброеных сіл Польшчы і Аператыўнае камандаванне Узброеных сіл удзельнічаюць у перамовах з Саветам бяспекі ўрада. Мэта, адзначыла яна, — «яшчэ больш закрыць усю сістэму».

Собковяк-Чарнецкая заявіла, што цяпер грамадзянам таксама будуць прыходзіць SMS з інфармацыяй пра небяспечную сітуацыю, якая ўсё яшчэ знаходзіцца на тэрыторыі Украіны.

«Калі на нашых байцоў будзе здзейснены напад, мы перададзім яшчэ больш інфармацыі, выкарыстоўваючы сістэму Урадавага цэнтра бяспекі», — сказала яна.