У расійскім Орску атакаваны буйны нафтаперапрацоўчы завод

• 11.08.2026, 9:26

Украінскі дрон праляцеў больш за 1500 км.

Раніцай у аўторак, 11 жніўня, у Орску Арэнбургскай вобласці прагучалі выбухі. Пад удар дронаў трапіў мясцовы нафтаперапрацоўчы завод — Орскі НПЗ.

Як піша маніторынгавы канал Exilenova+, верагодна, была паражана ўстаноўка ЭЛОУ-АВТ на «Орскнефтеоргсинтез».

«Больш за паўтары тысячы кіламетраў ад дома праляцела ўкраінская свабодалюбівая птушка. Украіна працягвае самастойна ўводзіць санкцыі супраць недасавецкай ваеннай машыны», — гаворыцца ў паведамленні.

ПАО «Орскнефтеоргсинтез» — буйны расійскі нафтаперапрацоўчы завод, размешчаны ў Орску Арэнбургскай вобласці і які ўваходзіць у склад АО «Фортеинвест» групы «САФМАР». Яго праектная магутнасць складае каля 6 млн тон нафты на год.

Акрамя таго, 11 жніўня у расійскім Камсамольску-на-Амуры Хабараўскага краю РФ адбыўся пажар. У сетцы пішуць, што гарыць буйны нафтаперапрацоўчы завод, які належыць «Раснафце».

«У Камсамольску-на-Амуры, Хабараўскі край, зусім «выпадкова» загарэўся НПЗ», — адзначае Exilenova+.

Прычыны раптоўнага ўзгарання аб’екта на момант публікацыі застаюцца невядомымі. Аналітыкі мяркуюць, што гэта не з’яўляецца вынікам атакі беспілотнікаў. Афіцыйна ўлады не тлумачылі прычыну ўзгарання.