Расіян у Новасібірску зачынілі ў дамах з-за прыезду Пуціна

• 11.08.2026, 13:19

У горадзе таксама забаранілі карыстацца электрасамакатамі.

У Новасібірску перад візітам Уладзіміра Пуціна мясцовым жыхарам параілі абмежаваць перамяшчэнні і выконваць асаблівыя меры бяспекі.

Некаторыя з гэтых рэкамендацый аказаліся абсурднымі, высветліў Dialog.UA.

Як паведамляе «НеМосква», гараджанам параілі ўстрымацца ад выхаду на вуліцу падчас праезду прэзідэнцкага картэжу, не падыходзіць да вокнаў і не карыстацца электроннымі і аптычнымі прыладамі.

Аналагічныя абмежаванні атрымалі студэнты Новасібірскага дзяржаўнага ўніверсітэта, якія жывуць у інтэрнатах. Больш за тое, ім забаранілі свабодна перамяшчацца па кампусе. У раёне новых будынкаў вучэбна-навуковага цэнтра ўсталявалі агароджы, якія звычайна выкарыстоўваюць падчас масавых мерапрыемстваў.

Акрамя таго, на большай частцы Акадэмгарадка і на цэнтральных вуліцах часова абмежавалі арэнду электрасамакатаў.

Пуцін прыбыў у Новасібірск у ноч на 11 жніўня. Яшчэ з вечара панядзелка супрацоўнікі паліцыі пачалі займаць пазіцыі ўздоўж маршруту яго картэжу.