На Чыгірынскім вадасховішчы прадаюць базу адпачынку з дамамі і лазняй

• 11.08.2026, 13:47

Аб’ект размешчаны непасрэдна каля вады.

З аўкцыёну прадаюць базу адпачынку, размешчаную на Чыгірынскім вадасховішчы. Аб’ява апублікаваная на сайце «ІПМ таргі».

База адпачынку «Чыгірынка» размешчана ў аднайменнай вёсцы на тэрыторыі «Бабруйскага лясгаса».

На тэрыторыі два драўляныя дамы плошчай 49,8 і 49 квадратных метраў і лазневы комплекс, паркоўка на 10 аўтамабіляў і агароджа па перыметры. Ёсць электраэнергія, артэзіянская вада, лакальная каналізацыя і ацяпленне ад уласнай катэльні. Асобна стаіць будынак сталовай плошчай 42 м². А таксама прыбіральня і электрашчытавая.

У будынках не выканана толькі фінішнае аздабленне.

База стаіць на першай берагавой лініі Чыгірынскага вадасховішча — папулярнага месца для рыбалкі і адпачынку на прыродзе.

Стартовая цана — 270 700 рублёў.