Volkswagen выпусціў даступны сямейны седан за $12,5 тысячы

• 11.08.2026, 13:58

Навінка атрымала эканамічную гібрыдную ўстаноўку.

Новы Volkswagen ID.Era 5S выходзіць на рынак. Нядорагі сямейны седан абсталяваны эканамічнай гібрыднай устаноўкай.

Седан Volkswagen ID.Era 5S пачынаюць прадаваць у Кітаі, бо менавіта там ён вырабляецца. Яго кошт складае ад $12 500 да $22 200. Пра гэта паведамляе сайт Autohome.

Навінка з'яўляецца першым прадстаўніком лінейкі ID.Era (якая распрацоўваецца сумесна з канцэрнам SAIC) у кузаве седан. У яго дызайне спалучаюцца грані і аркавы дах, а фары і заднія ліхтары злучаныя святлодыёднымі палоскамі. Па памерах аўтамабіль большы за Volkswagen Jetta, але меншы за Passat.

Габарыты Volkswagen ID.Era 5S:

— даўжыня — 4836 мм;

— шырыня – 1880 мм;

— вышыня – 1505 мм;

— колавая база – 2766 мм.

Новы Volkswagen ID.Era 5S з'яўляецца плагін-гібрыдам з 1,5-літровым бензінавым рухавіком магутнасцю 109 к. с. і электрарухавіком магутнасцю 177 к. с. Седан расходуе 2,8 л на 100 км і можа пераадолець 160 км у электрычным рэжыме, а сукупны запас ходу на бензіне і электрычнай цязе складае 2000 км.