«МТС, за што я плачу?»

• 11.08.2026, 15:35

На тэлефоне не адкрываецца нават прыкладанне мабільнага аператара.

Мінчанка nasti_levchuk падключыла бязлімітны інтэрнэт без абмежавання хуткасці, але нешта пайшло не так.

«Хтосьці, наогул, у курсе, што адбываецца з мабільным інтэрнэтам ад МТС? — пытаецца яна ў Threads. — Падключыла бязлімітны тарыф, да яго дадаткова падключыла опцыю, каб мой бязліміт заставаўся бязлімітам без абмежавання хуткасцяў, бо мне пастаянна патрэбны хуткі інтэрнэт.

У выніку ўжо тыдзень у Мінску ў мяне дзве палачкі 3G, і нічога не адкрываецца, нават прыкладанне таго ж самага МТС.

МТС, за што я плачу?»

«Налады тэлефона не змяняліся, але ў адной кропцы (дома і побач з домам, недалёка ад плошчы Перамогі) інтэрнэт часта пераходзіць на 1–2 падзелкі 3G, пры якім ён прысутнічае толькі тэарэтычна, — удакладніла яна ў адказ на адзін з каментароў. — Разумею, што дзе-нідзе сувязь лепшая, дзе-нідзе горшая (хаця, шчыра кажучы, пакрыццё ў Мінску ўжо даўно мусіла б быць поўным і стабільным), але ў межах адной лакацыі заўважаю істотнае зніжэнне хуткасці інтэрнэту».

Прадстаўнікі кампаніі параілі пакінуць заяўку на сайце і паабяцалі «зрабіць усё магчымае, каб інтэрнэт радаваў».