У мінскім каршэрынгу з'явіўся незвычайны аўтамабіль

• 15.08.2026, 15:40

За руль савецкага ІЖ-412 можна сесці ўсяго за 89 капеек за хвіліну.

Сталічны каршэрынг узяўся за пашырэнне рэтралінейкі — парк аўтамабіляў папоўніўся савецкім ІЖ-412 «Масквіч», піша Times.by. Каларытная тэхніка на механіцы, з рухавіком УЗАМ і заднім прывадам. Каштуе ад 89 капеек за хвіліну.

Прапанова дзейнічае толькі летам. І ёсць узроставы цэнз: арэнда даступная толькі карыстальнікам 25+ і з вадзіцельскім стажам ад двух гадоў.

У дадатку «Масквіч» паказваецца не пастаянна, а толькі калі даступны для браніравання.

На пачатку чэрвеня гэты ж сэрвіс запусціў опцыю «капейка» (ВАЗ-2101) за 89 капеек. У каршэрынг дадалі легендарныя «Жыгулі». Умовы арэнды тыя ж, што і для «Масквіча».