Зорка фільма «Амерыканскі пірог» стала мультымільянеркай

• 16.08.2026, 10:09

Але зусім не дзякуючы кіно.

52-гадовая Шэнан Элізабэт, зорка фільма «Амерыканскі пірог», які стаў папулярным у нулёвыя гады, стала мультымільянеркай. Праўда, свае даходы яна атрымала зусім не дзякуючы кіно, піша Daily Mail.

Элізабэт стала вядомай дзякуючы фільму «Амерыканскі пірог»: там распавядалася пра школьных сяброў, якія спрабуюць уладкаваць сваё асабістае жыццё. У фільме Шэнан сыграла ролю Надзі, студэнткі з былой Чэхаславакіі, якая прыехала па абмене ў ЗША. Іншымі касавымі фільмамі з яе ўдзелам сталі «Рэальная любоў», «Вельмі страшнае кіно» і «Джэй і Маўклівы Боб наносяць адказны ўдар».

Аднак апошні раз яна працавала на тэлебачанні ў 2013-м, а яе фільмаграфія за апошняе дзесяцігоддзе ўвогуле абмяжоўвалася некалькімі нізкабюджэтнымі стрымінгавымі праектамі. Таксама яна пакінула Галівуд дзеля Паўднёвай Афрыкі, дзе засяродзілася на ахове дзікай прыроды. Шэнан жыла на зберажэнні і амаль не здымалася.

У красавіку 2026 года актрыса далучылася да платформы OnlyFans. Цяперашнія яе даходы перавысілі заробкі ад самых касавых фільмаў з яе ўдзелам. На дадзены момант Элізабэт не публікуе аголены або адкрыта сэксуальны кантэнт на сваёй старонцы. «Магчымасць вярнуцца да стану, калі я не адчуваю фінансавых цяжкасцяў і магу выбіраць праекты таму, што яны мне падабаюцца, а не таму, што мне патрэбныя грошы, — гэта дакладна дае мне больш свабоды», — заявіла актрыса.