«Такога вою яшчэ не было»
- 16.08.2026, 11:59
Дыпламат расказаў пра наступствы удараў Сіл абароны Украіны па РФ.
На тле удараў Сіл абароны Украіны Масква адчувае ўсё больш праблем як на сваіх, так і на часова акупаваных украінскіх тэрыторыях. Такое меркаванне выказаў Уладзімір Агрызка, кіраўнік Цэнтра даследаванняў Расіі, былы міністр замежных спраў Украіны, у эфіры Radio NV.
«Я пастаянна гляджу ўсё тое, што там цяпер з’яўляецца ў відэаматэрыялах, чытаю тое, што там пішуць. На маю думку, такога вою на балотах не было з тых часоў, як мы вядзём назіранне за гэтымі балотамі. На маю думку, так не вылі ўжо даўно. Бо, глядзіце, Крым — яшчэ крыху, і, думаю, размова пра тое, што ў іх ужо 13–14 дзён не было святла, перайдзе ў тое, што ў іх увогуле не будзе святла. І Аксёнаў скажа: «Ну, так сталася, не разлічвайце, думайце, як самастойна ратавацца», – сказаў Агрызка.
Ён дадаў, што на тле удараў украінскіх абаронцаў па аб’ектах у раёне Балтыкі ў расіян таксама ўзнікаюць праблемы з экспартам сваёй прадукцыі.
«Пасля чарговых удараў ім давядзецца задумацца над варыянтамі: а як жа экспартаваць? Бо Чорнае мора фактычна закрытае, сельскагаспадарчая прадукцыя завязла. І я сёння, дарэчы, бачыў чарговы матэрыял, у якім некаторыя фермары кажуць: нам лепш нічога не рабіць, нічога не прадаваць — гэта будзе танней. Бо калі думаць пра нейкую іншую лагістыку, тады збожжа стане золатам», – дадаў Агрызка.
Ён адзначыў, што калі Сілам абароны ўдасца гэтак жа абмежаваць дзейнасць партоў на Балтыцы, як гэта адбываецца ў Чорным моры, то для РФ фактычна будзе заблакавана 2/3 яе экспарту.
«Гэта дзве ключавыя пазіцыі расійскага экспарту, за кошт якіх Расія і жыве. Там жа нічога іншага інтэлектуальнага няма. Там сыравіна, сыравіна і яшчэ раз сыравіна. І тады пачнецца наступны, трэці этап, калі канчаткова выб’юць электраэнергетыку. Ну, а калі і гэтага не стане, калі не будзе паліва, не будзе электрычнасці і не будзе паступленняў ад асноўных пазіцый расійскага экспарту, тады будуць закрывацца прадпрыемствы, павесяць вялікі амбарны замок», – патлумачыў Агрызка.