У Крыму разнеслі «Бастыён», з якога расіяне білі «Оніксамі» і «Цырконамі»

• 16.08.2026, 12:21

Гэты берагавы комплекс — дэфіцытнае і дарагое ўзбраенне.

Сілы абароны нанеслі ўдар па пазіцыях расійскага берагавога ракетнага комплексу «Бастыён» у акупаваным Крыме. Менавіта з гэтай устаноўкі расіяне запускалі па Украіне ракеты «Онікс» і «Цыркон».

Пра гэта паведамілі у прэс-службе Ваенна-марскіх сіл ЗСУ.

Паведамляецца, што ўначы на 16 жніўня сілы і сродкі ВМС ЗСУ паразілі пускавыя пазіцыі і месца дыслокацыі берагавога ракетнага комплексу «Бастыён» у часова акупаваным Крыме.

«У выніку ўдару праціўніку нанесены значныя страты ў узбраенні і жывой сіле. Канчатковыя страты ворага ўдакладняюцца», — заявілі украінскія вайскоўцы.

Як падкрэслілі ў ВМС, берагавы ракетны комплекс «Бастыён» — гэта дэфіцытнае і дарагое ўзбраенне, з дапамогай якога расійскія акупанты абстрэльваюць паўднёвыя і іншыя рэгіёны Украіны звышгукавымі ракетамі «Онікс» і гіпергукавымі ракетамі «Цыркон».