ЕС рыхтуе самы маштабны пакет санкцый супраць Расіі

• 17.08.2026, 11:27

Яго падрабязнасці раскрыла Калас.

У бліжэйшыя месяцы Еўрапейскі саюз плануе абвясціць пра новы пакет санкцый у дачыненні да Расіі. Пра гэта ў інтэрв'ю Die Welt заявіла вярхоўная прадстаўніца ЕС па замежных справах і палітыцы бяспекі Кая Калас.

Паводле яе слоў, ён можа стаць самым маштабным з пачатку поўнамаштабнага ўварвання РФ ва Украіну.

— Санкцыі ЕС ужо дорага абышліся Расіі, пазбавіўшы расійскую ваенную машыну больш за трыльён еўра, і восенню я прадстаўлю самы маштабны пакет санкцый з пачатку вайны. Калі яго прымуць, агульная колькасць расійскіх суб'ектаў, у дачыненні да якіх дзейнічаюць санкцыі, адразу павялічыцца на трэць. Ціск павінен пастаянна ўзрастаць, пакуль Масква не спыніць вайну, — падкрэсліла Калас.