Reuters: У Расіі пачалася другая хваля дэфіцыту паліва

• 17.08.2026, 22:54

Бензіну няма на некаторых АЗС у Маскоўскай вобласці.

У жніўні шэраг рэгіёнаў РФ сутыкнуўся з новай хваляй паліўнага крызісу. Пра гэта паведаміла Reuters.

17 жніўня карэспандэнты агенцтва зафіксавалі, што на некаторых АЗС у Маскоўскай вобласці бензіну зноў не было, хоць дызельнае паліва было даступнае амаль на ўсіх станцыях.

Дэфіцыт паліва ў Расіі ў ліпені быў выкліканы атакамі ўкраінскіх дронаў на расійскія нафтаперапрацоўчыя заводы ў спалучэнні з сезонным павелічэннем попыту. Да канца ліпеня сітуацыя стабілізавалася, але ненадоўга, бо Украіна зноў атакуе НПЗ.

Урад РФ 14 жніўня заяўляў, што сітуацыя з пастаўкамі паліва на АЗС «застаецца складанай» у шэрагу рэгіёнаў. Агенцтва адзначыла, што тады прадстаўнікі энергетычнай галіны абмеркавалі сітуацыю з забеспячэннем палівам у шэрагу рэгіёнаў, у тым ліку ў Арынбургскай, Ліпецкай і Цвярской абласцях, Краснадарскім краі, Забайкальскім, Прыморскім і Краснаярскім краях, Арлоўскай вобласці, Тыве і Хакасіі.

Украінская кампанія удараў дронамі далёкага дзеяння па расійскіх НПЗ па стане на канец ліпеня вывела з ладу больш за 30% фактычных і 45% намінальных нафтаперапрацоўчых магутнасцяў Расіі. 30 ліпеня ўрад РФ вырашыў працягнуць дзеючую забарону на экспарт бензіну і дызеля яшчэ на паўгода.