ГУР: У лютым Пуцін можа пачаць наступленне з Беларусі

• 18.08.2026, 9:16

Імаверныя напрамкі — Кіеўская і Чарнігаўская вобласці.

Калі Расія сёлета правядзе мабілізацыю, ужо зімой цалкам можа перайсці да новага наступлення на паўночным напрамку — на Кіеўскую і Чарнігаўскую вобласці. Пра гэта заявіў намеснік начальніка ГУР Мінабароны, генерал-маёр Вадзім Скібіцкі у інтэрв'ю РБК-Украіна.

«Да выбараў яны будуць спрабаваць дэманстраваць нейкія поспехі на тых участках фронту, дзе яны могуць нешта зрабіць. А ўжо пасля — магчыма, будзе мабілізацыя», — адзначыў ён.

Ён нагадаў, што поўнамаштабнае ўварванне пачалося ў лютым 2022 года, частковую мабілізацыю ў Расіі пачалі ў другой палове кастрычніка 2022 года. Баявыя падраздзяленні, якія маглі рэальна ўступіць у бой, апынуліся на фронце ў студзені 2023 года, а частка з іх — яшчэ ў снежні.

«То бок, калі агрэсар сёлета правядзе новую хвалю мабілізацыі, яны змогуць падрыхтаваць магутную ўдарную групоўку бліжэй да лютага, на пачатку наступнага года. А гэта не выключае, што расійскае камандаванне можа арганізаваць такую аперацыю ў лютым, ведаючы любоў Пуціна да сімвалічных дат», — сказаў ён.

У той жа час тэрміны будуць залежаць ад таго, колькі людзей будзе мабілізавана і ці будзе ўвогуле мабілізацыя.

Пры гэтым Скібіцкі падкрэсліў, што сёлета тэарэтычна наступленне з поўначы магчымае, але «на практыцы няма ўмоў, індыкатараў, якія б паказвалі, што яны гатовыя да гэтай аперацыі, няма войскаў для гэтага».