Прэзідэнт Латвіі пра закрыццё мяжы з Беларуссю: Пакідаем пытанне адкрытым
- 18.08.2026, 9:54
Латвія можа закрыць пункт пропуску «Патэрніекі» на мяжы з Беларуссю ў любы момант.
Прэзідэнт Латвіі Эдгарс Рынкевічс 17 жніўня наведаў Піедрую — вёску на латвійска-беларускай мяжы. Падчас візіту ён гаварыў пра недахоп памежнікаў, тэхнічнае аснашчэнне мяжы, міграцыйны ціск, а таксама пра магчымасць закрыцця памежных пераходаў з Беларуссю, паведамляе «Белсат».
Латвія можа закрыць пункт пропуску «Патэрніекі» на мяжы з Беларуссю ў любы момант.
«Мы пакідаем адкрытымі абсалютна ўсе магчымасці ў залежнасці ад таго, як будзе развівацца сітуацыя. Пры неабходнасці любое рашэнне будзе прымацца на ўзроўні Савета нацыянальнай бяспекі або ўрада. Скаргі ў такім выпадку трэба адрасоўваць у Мінск і тым, хто праводзіць гэтую гібрыдную аперацыю супраць Латвіі. Таму мы пакідаем гэтае пытанне адкрытым», — сказаў прэзідэнт Латвіі.
Рынкевічс адзначыў, што да канца 2026 года латвійска-беларуская мяжа будзе цалкам абсталяваная тэхнікай, якая забяспечыць больш эфектыўны памежны кантроль:
«Тры гады таму практычна не было ні агароджы, ні датчыкаў, ні відэаназірання. Цяпер 55% мяжы ўжо абсталявана датчыкамі і відэа. Да канца года астатняя частка латвійска-беларускай мяжы таксама будзе абсталяваная, і асноўная тэхналагічная праблема будзе вырашаная».
Аднак застаецца кадравая праблема — каб забяспечыць хуткае рэагаванне, патрэбна да 500 супрацоўнікаў, якіх бракуе.
«Агароджа, датчыкі і відэа — гэта адзін элемент, але калі няма каму адрэагаваць... Бачачы рэальныя доказы і відэазапісы таго, як пашкоджваецца наша памежная інфраструктура, — калі насамрэч няма каму адрэагаваць, то рэальнай аддачы ад гэтых інвестыцый не будзе», — сказаў Рынкевічс.
За 3 дні, 14–16 жніўня, Дзяржаўная памежная служба Латвіі затрымала 182 чалавекі, якія спрабавалі незаконна перайсці мяжу.
Паводле слоў Рынкевічса, рост напружанасці на латвійска-беларускай мяжы апошнім часам — гэта вынік жадання «рэжыму Лукашэнкі паўплываць на латвійскае грамадства напярэдадні выбараў у Сойм». Разам з ім Расійская Федэрацыя таксама хоча паказаць, што латвійскія ўлады, памежнікі і Узброеныя сілы не спраўляюцца з міграцыйным ціскам і такім чынам пасеяць недавер у грамадстве.
Памежны пункт «Патэрніекі» на мяжы з Беларуссю (быў закрыты на працягу некалькіх дзён https://ru.belsat.eu/94906732/prezident-latvii-o-zakrytii-granicy) напрыканцы ліпеня і на пачатку жніўня, як адзначае LSM, па тэхнічных прычынах.
«З 31 ліпеня па 4 жніўня на памежным пункце «Патэрніекі» былі зафіксаваныя тэхнічныя збоі, якія паўплывалі на працу асобных інфармацыйных сістэм. Цяпер праца пераходу цалкам адноўленая», — адзначалі тады ў МУС Латвіі.