ЗСУ разграмілі расійскую калону ў глыбокім тыле

• 18.08.2026, 10:48

З'явілася відэа ўкраінскага ўдару.

Украінскія вайскоўцы нанеслі ўдар па аўтамабільнай калоне расійскіх войскаў на часова акупаванай тэрыторыі Запарожскай вобласці. Пра гэта паведамляецца са спасылкай на звязаны з расійскімі сілавікамі рэсурс «Досье шпиона».

Атака адбылася ў суботу, 15 жніўня, у раёне акупаванай вёскі Асіпенка, размешчанай непадалёк ад Бярдзянска. Нягледзячы на аддаленасць гэтай кропкі ад лініі фронту — каля 90 кіламетраў, — украінскім беспілотнікам удалося паразіць мэту ў глыбокім тыле праціўніка.

Паводле звестак крыніцы, у выніку ўдару былі знішчаныя два грузавікі. Пацярпеў таксама аўтамабіль суправаджэння з вайскоўцамі аднаго з падраздзяленняў 35-й арміі РФ. Паводле ўдакладненых звестак, двое расійскіх вайскоўцаў загінулі.