БПЛА атакавалі прамысловыя прадпрыемствы Уфы

• 19.08.2026, 9:44

Украіна нанесла ўдары па стратэгічных аб’ектах у Башкартастане.

У ноч на 19 жніўня Сілы абароны Украіны атакавалі стратэгічныя аб’екты ў Рэспубліцы Башкартастан, якая ўваходзіць у склад РФ. Пад удар трапілі прамысловыя прадпрыемствы Уфы, піша Диалог.UA пасля маніторынгу сацсетак.

Пра тое, што Украіна нанесла ўдары па стратэгічных аб’ектах у Башкартастане, стала вядома раніцай 19 жніўня. Да гэтага мясцовыя ўлады захоўвалі поўнае маўчанне, а ў сацыяльных сетках не было паведамленняў.

Кіраўнік Башкартастана Радзій Хабіраў прызнаў, што ўначы 19 жніўня ўкраінскія дроны атакавалі прамысловыя прадпрыемствы Уфы. Ён сцвярджае, што ўсяго было 6 украінскіх БПЛА, а расійская СПА нібыта збіла 4 з іх.

Паводле яго слоў, адзін БПЛА ўпаў у прамысловай зоне, у выніку чаго ўзнікла «нявялікае ўзгаранне». На якім канкрэтна прадпрыемстве ўзнікла «нявялікае ўзгаранне», Хабіраў не ўдакладніў.

У Уфе ёсць некалькі важных расійскіх стратэгічных аб’ектаў. Найбольш важны з іх — Уфімскі нафтаперапрацоўчы комплекс кампаніі «Раснафта», які аб’ядноўвае тры заводы. Яго агульная магутнасць перапрацоўкі нафты — 23,5 млн тон у год.

ЗСУ ўжо некалькі разоў наносілі паветраныя ўдары па нафтаперапрацоўчых заводах у Уфе, напрыклад, у ноч на 1 жніўня 2026 года. Тады на адным прадпрыемстве зафіксавалі пажары.