Аднакурснікі з Мінскага сувораўскага вучылішча загінулі па розныя бакі вайны з розніцай у пяць дзён

• 2.08.2026, 17:27

Адзін быў палкоўнікам Узброеных Сіл Украіны, другі камандаваў расійскай 20‑й гвардзейскай мотастралковай дывізіяй.

Аднакурснікі з Мінскага сувораўскага вучылішча загінулі па розныя бакі вайны з розніцай у пяць дзён.

Алег Макарчук і Аляксей Гарабец скончылі вучылішча ў 1990 годзе і вучыліся ў адной, 3‑й роце: Макарчук — у 2‑м узводзе, Гарабец — у 3‑м. Пасля вучылішча абодва працягнулі вайсковую адукацыю ў Харкаве, распавядае тэлеграм-канал «Віцебск, я гуляю!».

Макарчук стаў палкоўнікам Паветраных Сіл Украіны і загінуў 14 ліпеня 2022 года ў Вінніцы. Гарабец камандаваў расійскай 20‑й гвардзейскай мотастралковай дывізіяй і загінуў 9 ліпеня таго ж года, верагодна, у выніку ўкраінскага ўдару пад Чарнабаеўкай. Аднакурснікі апынуліся па розныя бакі вайны і загінулі з розніцай усяго ў пяць дзён.