Украіна рыхтуецца атрымаць новыя знішчальнікі

• 2.08.2026, 18:36

Зяленскі раскрыў падрабязнасці.

Украінскія лётчыкі неўзабаве перасядуць на новыя баявыя самалёты Gripen E — падрыхтоўка ідзе хутчэй, чым чакалася.

Пра гэта паведамляе Charter97.org са спасылкай на паведамленне прэзідэнта Украіны Уладзіміра Зяленскага.

Паводле слоў Зяленскага, Паветраныя сілы Украіны авалодалі магутнымі сродкамі супрацьпаветранай абароны за рэкордна кароткі час.

Прэзідэнт адзначыў, што ўкраінскія лётчыкі ўжо некалькі гадоў паспяхова кіруюць самалётамі F-16 і Mirage. Паралельна частка лётчыкаў праходзіць навучанне ў Швецыі.

«У небе Украіны неўзабаве ўбачым «Грыпены», — заявіў Зяленскі.

Прэзідэнт дадаў, што ўлады працягваюць перамовы з французскімі партнёрамі, каб у небе Украіны таксама з’явіліся знішчальнікі Rafale.