Кіруючая партыя Бразіліі назвала свайго кандыдата ў прэзідэнты

• 2.08.2026, 20:05

Выбары павінны прайсці ў кастрычніку.

Кіруючая ў Бразіліі «Партыя працоўных» зацвердзіла сваім кандыдатам на наступных выбарах кіраўніка дзяржавы дзеючага прэзідэнта Луіса Інасіу Лулу да Сілву, перадае EFE.

Агенцтва паведамляе, што кандыдатам у віцэ-прэзідэнты ўдзельнікі з'езду ў Сан-Паўлу назвалі Жэралду Алкміна. У выпадку перамогі абодва палітыкі захаваюць свае цяперашнія пасады.

80-гадовы Лула да Сілва завершыць свой трэці тэрмін на пасадзе прэзідэнта ў студзені 2027 года. Выбары павінны прайсці ў кастрычніку. Паводле апытанняў, ён — фаварыт у гонцы за найвышэйшую дзяржаўную пасаду.

На гэтым фоне бразільскі суд пазбавіў былога прэзідэнта краіны Жаіра Балсанару права балатавацца да 2030 года. Рашэнне было прынята пяццю галасамі «за» і двума «супраць». Летась суд прызнаў экс-прэзідэнта рэспублікі арганізатарам змовы супраць Лулы да Сілвы.