«Крамбамбуля» і Лявон Вольскі сёння правядуць анлайн-канцэрт

• 20.08.2026, 15:25

У 20:00 па мінскім часе.

Гурт «Крамбамбуля» разам з яго лідарам Лявонам Вольскім анансаваў анлайн-выступленне пад назвай «Усебеларускі карапаратыў». Музыкі запрашаюць беларусаў далучацца з любой кропкі планеты.

«Мы збіраемся, каб павесяліцца, патанчыць, заспяваць улюбёныя песні і годна правесці гэтае спякотнае лета на не менш спякотным канцэрце», — запрашаюць арганізатары.

Канцэрт адбудзецца 20 жніўня а 20:00 па мінскім часе ў прамым эфіры па спасылцы.