У Мінску вадзіцель «электрамабіля» прымусіў панервавацца іншых аўтамабілістаў

• 23.08.2026, 17:54

Відэафакт.

На вуліцы Леаніда Беды ў Мінску карыстальнік форуму Onliner за адну хвіліну сутыкнуўся адразу з двума сітуацыямі, якія прымусілі яго панервавацца. Адзін з вадзіцеляў прадэманстраваў небяспечныя манеўры.

Спачатку вадзіцель «электрамабіля» рэзка перабудаваўся з правай паласы ў левую. Пры гэтым ён перасёк суцэльную лінію, не ўключыў сігнал павароту і завяршыў перабудову ўжо на пешаходным пераходзе. Літаральна праз некалькі секунд вадзіцель паўтарыў манеўр.

— За стырном быў мужчына ў акулярах. Спыніўшыся на наступным святлафоры, я прыцягнуў яго ўвагу і паказаў на ўключаны відэарэгістратар. Акны былі зачыненыя, але ён, здаецца, зразумеў, што я хацеў яму сказаць. Убачыць яго рэакцыю я не паспеў: загарэлася зялёнае святло, і мы паехалі кожны ў сваім кірунку, — каментуе аўтар відэа.