У Мінску на скрыжаванні сутыкнуліся два грузавікі

• 25.08.2026, 12:29

Момант ДТЗ патрапіў на відэа.

Учора ўвечары 29-гадовы кіроўца грузавога МАЗа з паўпрычэпам ехаў па праездзе Геалагічным і пры павароце направа на вуліцу Ваупшасава не саступіў дарогу грузавіку Mercedes з паўпрычэпам. У выніку адбылося сутыкненне.

Паводле папярэдняй версіі ДАІ Мінска, кіроўца МАЗа рухаўся на дазваляльны зялёны сігнал дадатковай секцыі святлафора, калі гарэў асноўны чырвоны сігнал.

Ніхто не пацярпеў, транспартныя сродкі атрымалі пашкоджанні.