Макс Корж анансаваў яшчэ адзін канцэрт у ЕС

• 27.08.2026, 21:07

Беларускі рэпер паабяцаў, што выступленне будзе апошнім у гэтым годзе.

Беларускі рэпер Макс Корж анансаваў яшчэ адзін канцэрт у ЕС — ён пройдзе 10 кастрычніка ў нямецкім Франкфурце. Паводле слоў артыста, гэта будзе яго апошняе еўрапейскае выступленне ў 2026 годзе.

«Франкфурт. 10 кастрычніка 2026. Стадыён Deutsche Bank Park. Ужо дакладна апошні канцэрт у Еўропе сёлета. Усе на збор!» — напісаў Корж.

Продаж квіткоў пачнецца 1 верасня.

Нагадаем, у маі Корж выступіў у сталіцы Румыніі Бухарэсце. На канцэрт, паводле ацэнак, прыехалі каля 40 тысяч гледачоў з больш чым 50 краін.

Пасля шоу частка фанатаў паскардзілася, што ўладальнікі жытла адмянялі пацверджаныя браніраванні незадоўга да прыезду, а потым тыя ж кватэры зноў з’яўляліся на сэрвісах браніравання па больш высокай цане.

Падчас самога канцэрта таксама адбыўся інцыдэнт: падчас слэму з выкарыстаннем фаераў загарэўся элемент сцэнічнага рэквізіту. Па медыцынскую дапамогу тады звярнуліся 15 чалавек.