У Іспаніі з музея скралі «Скарб Вільены»

• 27.08.2026, 21:50

Рабаванне цягнулася менш за чатыры хвіліны.

Невядомыя абрабавалі археалагічны музей MUVI ў іспанскім горадзе Вільена і выкралі большую частку знакамітага «Скарбу Вільены» — калекцыі залатых упрыгожанняў бронзавага веку, паведамляе El Pais.

Сігналізацыя музея спрацавала каля 5:20 па мясцовым часе. Калі ахоўнікі праз чатыры хвіліны прыбылі на месца, злачынцаў ужо не было. Падазраваных пакуль не затрымалі.

Агульная вага выкрадзеных прадметаў — каля 10 кг. У калекцыю ўваходзяць залатыя і жалезныя бранзалеты, чары і пасудзіны, фрагменты ўпрыгожвання царскага скіпетра і іншыя вырабы.

Паводле выдання, зламыснікі забралі большую частку экспанатаў. Намеснік кіраўніка ўрада правінцыі Алікантэ заявіў, што музей панясе значныя матэрыяльныя страты.