У Абхазіі жорстка збілі расійскіх турыстаў

• 29.08.2026, 12:21

Канфлікт узнік у кафэ.

У акупаванай Расіяй Абхазіі жорстка збілі групу расійскіх турыстаў пасля канфлікту ў мясцовым кафэ. Паводле пацярпелых, падчас нападу гучалі абразы па нацыянальнай прыкмеце, а адзін з удзельнікаў натоўпу выкрыкнуў: «Забівай рускіх!». Пра гэта піша «Диалог» са спасылкай на расійскія СМІ.

Інцыдэнт адбыўся 26 жніўня падчас экскурсіі да возера Рыца. Паводле турыстаў, канфлікт пачаўся пасля таго, як кіроўца нібыта без узгаднення дадаў у маршрут дадатковы пункт і запатрабаваў даплату.

Пазней у кафэ «Грот» адзін з расіян раскрытыкаваў якасць ежы і абразіў афіцыянтку. Нягледзячы на тое, што рахунак у выніку быў поўнасцю аплачаны, праз некалькі хвілін адзін з вадзіцеляў ударыў турыста, пасля чаго да збіцця далучыліся іншыя вадзіцелі і супрацоўнікі ўстановы. Паводле сведкаў, мужчын білі нагамі, лаўкамі і шкляною пасудаю.

Нагадаем, Абхазія была акупаваная расійскімі войскамі ў 2008 годзе. Масква лічыць рэгіён сваёй законнай тэрыторыяй, аднак гэтая пазіцыя не падтрымліваецца Грузіяй і міжнароднай супольнасцю.