Уразлівасць эканомікі Пуціна

• Віталій Шапран
• 3.08.2026, 9:24

Разбурэнне складаў Wildberries выявіла даволі цікавую фінансава-эканамічную праблему.

Бамбардзіроўка складаў Wildberries не ўяўляе катастрафічнай пагрозы для расійскай эканомікі, а хутчэй раздражняе і нервуе расіян. Аднак разбурэнне складаў выявіла даволі цікавую фінансава-эканамічную праблему.

Пасля пачатку вайны ўсе ваенныя рызыкі ўзяла на сябе даччыная кампанія ЦБР — Расійская нацыянальная перастраховачная кампанія (РНПК). РНПК вызначыла каля дзесятка ўпаўнаважаных страхоўшчыкаў, якія павінны былі пакрываць гэтыя рызыкі. Калі ж рызыкі рэалізоўваліся на НПЗ, расійскія суды пачалі прызнаваць іх форс-мажорам і дазвалялі страхоўшчыкам не выплачваць кампенсацыю.

У 2026 годзе ўрад РФ паспрабаваў аказаць ціск на суды, каб тыя прымалі рашэнні аб выплатах па страхавых выпадках. Але высветлілася, што ў такіх выпадках канчатковым платнікам будзе РНПК, то бок фактычна — ЦБР і расійскі бюджэт.

Справу проста замялі, і тут зноў паўтарылася практыка нявыплат у Wildberries, прычым у яшчэ большых маштабах. У адказ РНПК сфармавала рэзерв выплат па атаках БПЛА і ракет, але толькі ў памеры 100 млрд рублёў. Для разумення сітуацыі: 100 млрд рублёў — гэта толькі палова страт ад пашкоджаных расійскіх НПЗ на пачатак ліпеня 2026 года.

Расійскім уладам трэба быць шчырымі са сваім народам і прызнаць, што расійскі страхавы рынак няздольны забяспечыць абарону ад маштабных украінскіх атак. Прыклад з Wildberries паказаў, што рызыкі, звязаныя з развязанай Пуціным вайной, нясуць на сабе самі грамадзяне РФ, і ніякіх дзейсных інструментаў абароны ад такіх рызык у РФ не існуе.

Віталій Шапран, «Фэйсбук»