Надвор'е парадуе беларусаў

• 3.08.2026, 10:16

Краіна будзе знаходзіцца пад уплывам антыцыклону.

Сёння надвор'е нас парадуе, бо Беларусь будзе знаходзіцца пад уплывам антыцыклону з цэнтрам над Літвой. Значных ападкаў не чакаецца.

Тэмпература паветра будзе даволі высокай, +23..+30°C, на паўднёвым усходзе Гомельскай вобласці да +33°C. Вецер паўночнай чвэрці, слабы да ўмеранага, піша тэлеграм-канал «Метеовайб».

У Мінску +25..+27°C, без ападкаў.

Тэмпература вады ў рэках і вадаёмах краіны ў сярэднім прагрэлася да +20..+23°C, месцамі на поўдні да +25°C.