У Мінску ў бліжэйшыя некалькі дзён можа адчувацца пах мазуту

• 3.08.2026, 16:35

У чым справа?

У Мінску з 4 па 8 жніўня можа адчувацца пах мазуту з-за планавога тэхнічнага абслугоўвання абсталявання на «Мінскай ЦЭЦ-4». Пра гэта паведаміла «Мінскэнерга».

«У ходзе работаў магчыма кароткачасовае з’яўленне нязначнага паху мазуту ў мікрараёнах Малінаўка і Сухарава горада Мінска. Гэта звязана з тэхналагічнымі асаблівасцямі абслугоўвання абсталявання і не ўяўляе пагрозы для экалогіі і здароўя жыхароў», — паведамілі ў ведамстве.