У Геленджыку дрон упаў на пляж з адпачывальнікамі

• 3.08.2026, 17:51

Сістэма апавяшчэння не працавала.

У пасёлку Архіпа-Асіпаўка ў Геленджыку загінулі шэсць чалавек. Пра гэта паведаміў губернатар Краснадарскага краю Веніямін Кандрацьеў.

Памочнік кіраўніка Мінздароўя РФ Аляксей Кузняцоў пацвердзіў, што ў выніку атакі дронаў былі гаспіталізаваныя 17 пацярпелых. Чацьвёра пацярпелых знаходзяцца ў цяжкім стане.

Судзячы з апублікаваных відэа, беспілотнік упаў проста на пляж. У гэты момант на беразе і ў вадзе знаходзіліся людзі.

Украінскія тэлеграм-каналы паведамляюць, што дрон упаў на пляж у выніку працы сродкаў радыёэлектроннай барацьбы (РЭБ).