Буданаў: вайна для Расіі стратэгічна зайшла ў тупік

• 3.08.2026, 17:58

Аперацыя па прымушэнні Пуціна да міру будзе працягвацца.

Кіраўнік офіса прэзідэнта Украіны Кірыл Буданаў заявіў, што вайна для Расіі зайшла ў тупік, паведамляе ТСН.

Паводле яго слоў, аперацыя па прымушэнні Расіі да міру будзе працягвацца.

«Не так важна, як увайсці ў гэты працэс, важней, з чым мы з яго выйдзем. Каб выйсці з яго з патрэбным нам вынікам, мы павінны быць моцнымі і захоўваць адзінства», — падкрэсліў кіраўнік офіса прэзідэнта Украіны.

Паводле слоў Буданава, у цяперашні час кіраўніцтва РФ верыць у тое, што зможа дасягнуць сваёй мэты ваенным шляхам.

«Гэта памылковае сцвярджэнне. І ўсе гэтыя гады гэта даказваюць. Вайна, па сутнасці, для іх зайшла ў тупік. Ёсць нейкія баявыя дзеянні: прасоўванне, адсутнасць прасоўвання, ёсць нашы прасоўванні, іх... Стратэгічна яна даўно ўжо ў тупіку», — растлумачыў ён.