Трамп запатрабаваў ад нафтавых кампаній ЗША знізіць цэны

• 3.08.2026, 19:27

Прэзідэнт ЗША заклікаў знізіць цэны «неадкладна».

Прэзідэнт ЗША Дональд Трамп запатрабаваў ад Chevron і іншых нафтавых кампаній знізіць рознічныя цэны на паліва. Адпаведную заяву ён апублікаваў у сацсетцы Truth Social, каментуючы інтэрв’ю кіраўніка Chevron Майка Вірта тэлеканалу Fox News.

«Адзінае, пра што ён зручна забыўся згадаць, гэта тое, што без геніяльнасці, дальнабачнасці, сілы і стабільнасці адміністрацыі ТРАМПА нафтовая прамысловасць і наша краіна былі б МЁРТВЫЯ!» — напісаў Трамп.

Амерыканскі лідар адзначыў, што Chevron вярнулася ў Венесуэлу, адкуль яе «выкінулі», і цяпер кампанія «куды большая і мацнейшая, чым калі-небудзь раней, і разлічвае зарабіць стан». Гэта датычыць і іншых нафтавых кампаній, дадаў ён.

«Апусціце цэны на нафту для спажыўцоў (рознічныя цэны!) неадкладна!» — запатрабаваў Трамп.