Анджэліна Джолі таемна прыехала ва Украіну

• 30.08.2026, 18:31

Галівудскую зорку заўважылі адразу ў некалькіх гарадах.

У ўкраінскіх сацыяльных сетках разгарнулася бурнае абмеркаванне магчымога новага візіту Анджэліны Джолі ва Украіну. Паводле паведамленняў Telegram-канала «Типовий Львів», галівудскую актрысу і пасла добрай волі ЮНІСЕФ нібыта бачылі адразу ў некалькіх рэгіёнах краіны.

Спачатку з'явілася інфармацыя, што зорка пад аховай пад'яжджала да горада.

«Эксклюзіўная інфармацыя: Анджэліна Джолі ў гэтыя хвіліны пад'яжджае ў Львоў – нашы падпісчыкі кажуць, што бачылі яе ў суправаджэнні аховы», — паведаміў мясцовы паблік.

Пазней з'явіліся кадры з Тэрнопаля, дзе жанчыну, падобную да Джолі, знялі ў адным з мясцовых рэстаранаў.

«Часам, каб закахацца ва Украіну, дастаткова адной лыжкі сапраўднага ўкраінскага боршчу», — не стаў адмаўляць персанал установы ў Facebook.

На наступны дзень аналагічныя кадры з'явіліся з Крэменчуга Палтаўскай вобласці — там яе заўважылі ў кафэ аднаго з гандлёвых цэнтраў. Уважлівыя карыстальнікі сеткі звярнулі ўвагу на характэрную дэталь: жанчына на кадрах з Крэменчуга была апранутая ў такое ж карычневае паліто, якое Джолі трымала ў руках падчас знаходжання ў Тэрнопалі.

Сам візіт пакуль застаецца афіцыйна не пацверджаным — на сваёй старонцы ў Instagram актрыса маўчыць, як гэта было і падчас яе папярэдніх візітаў.