У Мінску па дарозе на выклік успыхнула пажарная машына

• 30.08.2026, 21:04

Кабіна загарэлася непасрэдна падчас руху.

Незвычайны інцыдэнт адбыўся ў Мінску падчас выезду ратавальнікаў на пажар у прыватным доме. Па інфармацыі МНС, пры руху па Лошыцкім завулку загарэлася кабіна пажарнага каленчатага аўтапад'ёмніка.

Гэта адбылося на вуліцы Чыжэўскіх. Вадзіцель паспеў выбрацца з машыны і не пацярпеў. Узгаранне аўтамабіля ліквідавалі супрацоўнікі МНС, яго прычына высвятляецца.

Ратавальнікі пры гэтым працягнулі працу на першапачатковым выкліку. У Лошыцкім завулку гарэў прыватны аднапавярховы жылы дом з мансардай. Пажар ліквідавалі, на месцы працавалі шэсць адзінак тэхнікі МНС.