Буйны пажар пад Анапой: агонь падбіраецца да жылых кварталаў

• 31.08.2026, 14:43

Сярод магчымых прычын — наўмысны падпал.

Пажар каля расійскага курорта Анапы ў Краснадарскім краі трывае амаль суткі, ён ахапіў больш за дзясятак гектараў і падышоў да жылых кварталаў, паведамляюць расійскія СМІ, перадае УНІАН.

У пабліках пішуць, што 30 жніўня ў Анапе агонь ахапіў трысняговыя зараснікі і пачаў распаўсюджвацца ў бок жылой забудовы.

Маштабы ўзгарання зафіксавала спадарожнікавая сістэма NASA, таму пажар бачны нават з космасу. Сітуацыя з распаўсюджваннем полымя пагаршаецца праз моцны вецер і сухую расліннасць.

Мясцовыя ўлады заклікаюць жыхароў горада закрываць вокны і не выходзіць на вуліцу праз моцнае задымленне. Пажар таксама паўплываў на транспартныя зносіны ў раёне курорта — у прыватнасці, перакрыты рух на ўчастку федэральнай трасы А-290 Наварасійск — Керч і частцы Сімферопальскай шашы, транспарт курсуе па аб'ездных маршрутах.

Расійскія СМІ адзначаюць, што на дадзены момант пажар лакалізаваны паблізу жылых кварталаў горада. У прыватнасці, як пішуць («Навіны Анапы» https://t.me/s/AnapaNowosti), на раніцу плошча актыўнага гарэння складае 50 квадратных метраў. На працягу ўсёй мінулай ночы ратавальнікі тушылі агонь у плаўнях, не дазваляючы яму перакінуцца на жылыя дамы і гарадскія прадпрыемствы.

У ноч на 12 жніўня Краснадарскі край падвергся масіраванай атацы сотняў украінскіх дронаў. Найбольш пацярпеў Наварасійск, дзе былі зафіксаваныя ўдары і пажары ў порце, на нафтавым тэрмінале і каля стаянкі караблёў вайскова-марскога флоту РФ. Губернатар Кандрацьеў тады заяўляў, што пад ударам таксама апынуліся Анапа, Геленджык і Цямрукскі раён.