«Мадзяр» паказаў відэа палявання на расійскія бензавозы

• 4.08.2026, 7:57

«Масква ляжа», — заявіў украінскі афіцэр.

2 жніўня вайскоўцы 3-га батальёна «Назік» 414-й асобнай брыгады беспілотных сістэм «Птушкі Мадзяра» знішчылі калону бензавозаў расійскай арміі ў Прыморску Запарожскай вобласці.

Пра гэта паведаміў камандуючы Сіламі беспілотных сістэм Роберт Бровди, вядомы пад пазыўным «Мадзяр», апублікаваўшы на сваёй старонцы ў Facebook відэа з момантам знішчэння мэтаў.

На кадрах бачная калона з трох бензавозаў у суправаджэнні ваенных грузавікоў. У выніку першага траплення дрона адбыўся маштабны выбух, які знішчыў не толькі галоўны бензавоз калоны, але і грузавік, што яго суправаджаў. Другі ўдар беспілотніка прыйшоўся па яшчэ адным бензавозе, што прывяло да яго задымлення і наступнага ўзгарання.

«Цяжка Крыму бензін дастаецца, адзін з трох. Мы вытрымаем, Масква ляжа», — пракаментаваў вынікі ўдару Бровди.