Былы прэм'ер-міністр Польшчы створыць новую партыю

• 4.08.2026, 10:04

Матеуш Маравецкі назваў дату.

Былы прэм'ер-міністр Польшчы Матеуш Маравецкі паведаміў, што партыя, якая фарміруецца на базе аб’яднання «Развіццё+» (Rozwój Plus), будзе створаная не пазней за 15 кастрычніка. Заява прагучала пасля чарговых сігналаў аб канчатковым разрыве палітыка з апазіцыйнай партыяй «Права і справядлівасць» (PiS), паведамляе Rzeczpospolita.

Пра з’езд аб’яднання, запланаваны на 15 кастрычніка — гадавіну парламенцкіх выбараў 2023 года, — Маравецкі паведаміў яшчэ ў нядзелю. «У гэты дзень мы пакажам, што Польшча не асуджаная на хаос, пасрэднасць і невыкананыя абяцанні. Мы пакажам, што існуе сіла, якая мае досвед, смеласць, праграму і гатоўнасць зноў узяць на сябе адказнасць за краіну», — напісаў ён у X.

Палітыкі, звязаныя з «Развіццё+», ужо сфармавалі асобны парламенцкі клуб. Клуб, які налічвае 40 дэпутатаў, стане трэцім па велічыні ў Сейме — пасля клубаў «Грамадзянскай кааліцыі» (156 дэпутатаў) і PiS (147 дэпутатаў).