Z-блогер: ЗСУ рыхтуюць для Расіі два катлы на фронце

• 4.08.2026, 12:10

Расійская армія рызыкуе сутыкнуцца з ваеннай катастрофай.

Расійскі ваенны прапагандыст і Z-блогер Максім Калашнікаў заявіў, што ўкраінская армія рыхтуе аперацыю па ізаляцыі Крыма ад астатняй тэрыторыі, ствараючы пагрозу адразу для дзвюх расійскіх груповак войскаў. Паводле яго ацэнкі, у выпадку паспяховага перакрыцця забеспячэння паўвострава і сухапутнага калідора расійская армія рызыкуе сутыкнуцца з ваеннай катастрофай як у самым Крыме, так і ў Херсонскай вобласці, піша «Дыялог».

Паводле слоў блогера, Крым мае для Расіі каштоўнасць не толькі як палітычны сімвал, але і як апорная база для расійскай групоўкі на паўднёва-заходнім напрамку, таму страта кантролю над лагістыкай паўвострава здольная парушыць усю сістэму забеспячэння войскаў.

«Яны рыхтуюць адрэзанне Крыма як базы нашай прыдняпроўскай групоўкі, якая дзейнічае на паўднёвым захадзе. У выпадку іх поспеху ўзнікае пагроза стварэння двух катлоў: сам Крым у кацёл ператвараецца, і рвецца забеспячэнне паўднёва-прыдняпроўскай групоўкі. Яны могуць перарэзаць сухапутны калідор Крыма і другі кацёл атрымаць ужо ў ніжнім цячэнні Дняпра. І вось атрымліваецца, што цяпер, з такім прызначэннем Драпатага, з яго славай… Умелы камандзір, чорт вазьмі! Як хочацца, каб такія людзі былі на нашым баку», — заявіў Калашнікаў.

Асобна прапагандыст пракаментаваў прызначэнне Міхаіла Драпатага новым галоўнакамандуючым ЗСУ, фактычна прызнаўшы ў ім моцнага ваеначальніка і выказаўшы шкадаванне, што такія ўкраінскія камандзіры не перайшлі на бок Расіі.

«Трэба было ўводзіць [войскі] ў 14-м: быў шанец, што яны перайдуць на наш бок, калі б тады ўбачылі рашучасць. Але ўжо ўпусцілі», — заявіў Калашнікаў.