Беларускія банкі ўвялі новыя абмежаванні на грашовыя пераводы

• 4.08.2026, 12:18

Кліентам сталі недаступныя некаторыя валюты і міжнародныя сістэмы.

У некаторых беларускіх банкаў з'явіліся новаўвядзенні ў частцы грашовых пераводаў. «Зеркало» піша, што зменіцца для іх кліентаў.

«Цептер Банк» з 23 ліпеня ўвёў камісію 2% ад сумы за пераказ грошай з бягучага рахунку ў расійскіх рублях на рахункі BYNEX і TRADEX (іх выкарыстоўваюць для працы з беларускімі крыптаплатформамі).

«Нео Банк Азия» з 27 ліпеня прыпыніў выдачу грашовых пераводаў MoneyGram.

З 31 ліпеня «Технобанк» часова спыніў выплаты па пераводах «Золотая Корона» ў доларах. Атрымаць грошы пакуль можна будзе ў беларускіх і расійскіх рублях.

«БНБ-Банк» паведаміў пра змену некаторых тарыфаў 3 жніўня і 1 верасня. Так, з 3 жніўня банк павялічыў камісію за міжнародныя пераводы ў еўра і доларах у асобныя краіны, а таксама за пераказ у беларускіх рублях на рахунак у банку за межамі нашай краіны. З 1 верасня зменяцца тарыфы на пераводы ў доларах, еўра, расійскіх рублях і кітайскіх юанях у межах Беларусі для пакета «Безграничный».