Узброеныя сілы Украіны пачалі наносіць удары па новых аб'ектах на тэрыторыі Расіі

• 4.08.2026, 15:06

У адказ на падобныя атакі расіян.

Узброеныя сілы Украіны, падаецца, упершыню нанеслі ўдар па складзе з прадуктамі харчавання пасля атак на нафтаперапрацоўчыя заводы і лагістычныя хабы Wildberries і Ozon.

Пра гэта паведамляе The Moscow Times.

У аўторак, 4 жніўня, дроны ўпершыню атакавалі размеркавальны цэнтр «Ленты» — адной з найбуйнейшых у краіне сетак супермаркетаў, якая налічвае больш за 7 тысяч крам і знаходзіцца пад кантролем мільярдэра Аляксея Мардашова.

Расійскія прапагандысцкія каналы паведамляюць, што падзенне БПЛА адбылося на тэрыторыі хаба «Ленты» ў Ленінградскай вобласці каля 05:00. У выніку ўдару ўзнік маштабны пажар, які тушылі каля чатырох гадзін, адзін з супрацоўнікаў кампаніі атрымаў апёкі.

Пазней у кампаніі заявілі, што гэты хаб часова прыпыняе прыём тавараў ад пастаўшчыкоў.

Топ-менеджары «Ленты», а таксама X5 Group, якая кіруе сеткай з 30 тысяч супермаркетаў «Пятерочка» і «Перекресток», звярталіся да ўрада.

Субяседнікі выдання тады паведамілі, што рознічныя сеткі спрабуюць перабудаваць лагістыку, каб паменшыць рызыкі збояў паставак. У прыватнасці, яны імкнуцца захоўваць больш тавараў у пастаўшчыкоў, забіраючы іх толькі тады, калі ўзнікае непасрэдная патрэба, а таксама маюць намер абапірацца на шырокую разгалінаваную сетку дробных складаў замест хабаў-гігантаў, страта якіх можа паралізаваць лагістычныя ланцужкі.

Пераарыентацыя на дастаўку да крамы пастаўшчыкамі гарантавана прывядзе да росту выдаткаў і павелічэння адпускнога кошту тавару, папярэджвае аналітык Міхаіл Бурмістраў. Аднак, як адзначае выданне, расійская ППА не спраўляецца з абаронай тэрыторый ад соцень дронаў, якія штодня запускаюць Узброеныя сілы Украіны.

Заўважым, удзень 3 жніўня расіяне атакавалі Дніпро, у выніку чаго на складах з прадуктамі харчавання ўспыхнуў пажар.